Sawal---Haiz aur nifaas kise kehte hain?
Jawab----Baligha aurat k aagey ke maqam se jo jo khoon aadi taur par nikalta hai aur bimari yaa bachcha paida hone ke sawab se na ho to usey haiz kehte hain.Uski muddat kam se kam 3 din aur zyada se zyada 10 din hai.
Issey kam ya zyada ho to bimari yaani istihaza hai aur bachcha paida hone ke baad jo khoon aata hai usey nifaas kehte hain. Nifaas mein kami Ki jaanib koi waqt muqarrar nahi.aur zyada se zyada uska zamana 40 din hai 40 din ke baad jo khoon aaye wo istihaaza hai.
Sawal----Haiz wa nifaas ka kya hukum hai??
Jawab---Haiz wa nifaas ki haalat mein roza rakhna aur namaz padhna Haram hai.Un dino mein namazen muaaf hain.unki qaza bhi nahi magar rozon ki qaza aur dino mein rakhna farz hai.
Aur haiz wa nifaas wali aurat ko qur'an majeed padhna haram hai.
Khwah dekhkar padhe ya zubaani.aur uska choona agarche uski jild ya haashiya ko haath ya ungli se ki nok ya badan ka koi hissa lage sab haram hai.
Haan juzdaan mein Qur'an majeed hai to uss juzdaan ke choone mein koi haraz nahi.
Sawal----Jise ahtilaam hua aur aise mard wa aurat ki jis par ghusl farz hai unke liye kya hukum hai??
Jawab----Aise logon ko ghusl kiye waghair namaz padhna ,Qur'an majeed dekhkar ya zubaani padhna uska chhona aur masjid mein jaana haram hain.
Sawal-----Kya jis par ghusl farz hai wo masjid mein nhi jaa sakta?
Jawab----jis par ghusl farz hai wo masjid ke uss hisse mein jaana haram hai ki jo daakhil e masjid hai yaani namaz Ke liye banaya gaya hai aur woh hissa jo ki fana e masjid hai yaani istinja khaana,ghusl khaana aur wuzugaah wagahirah to uss jagah jaane mein koi harz nahi par unme jaane ka raasta daakhil e masjid se hokar na guzarta ho.
Sawal--'-Aise mard wa aurat ki jin par ghusl farz hai wo qur'an ki taleem de sakte hain ya nahi??
Jawab-----Aise loge ek ek kalimah saans tod todkar padha sakte hain aur hijje karane mein koi haraz nahi.
(Anware shariat)
Comments
Post a Comment